Рэпер Маргенштэрн з жонкай паляцеў з Беларусі ў Дубай
6- 10.12.2021, 10:27
- 10,540
Пра гэта ён расказаў у новым кліпе.
Расейскі рэпер Маргенштэрн знаходзіцца з жонкай у Дубаі. Радзіму ён пакінуў праз Беларусь пасля таго, як кіраўнік Следчага камітэта Расеі Аляксандр Бастрыкін абвінаваціў яго ў гандлі наркотыкамі праз інтэрнэт.
Пра свае ўцёкі з Расеі музыка расказаў у кліпе на песню “Дадому”, які 10 снежня з'явіўся на канале Маргенштэрна ў YouTube. У падводцы да трэка жанчына-дыктар паведамляе, што рэпер з жонкай пакінуў краіну інкогніта праз Беларусь і зараз яны жывуць у Дубаі.
- Я не разумею, што са мной, але калі-небудзь зразумею. Так, я не хачу пакуль ісці дадому, але калі-небудзь пайду, - спявае Маргенштэрн.
Пра тое, што рэпер пакінуў Расею, стала вядома 24 лістапада пасля таго, як яго з жонкай і ахоўнікам заўважылі ў Смаленску падчас пасадкі на цягнік "Масква — Менск". Пастанову з'ехаць музыка прыняў пасля таго, як старшыня Следчага камітэта Расеі Аляксандр Бастрыкін заявіў, што Маргенштэрн гандлюе наркотыкамі ў інтэрнэце, пакуль паліцыянты “абстрактна разважаюць, што значыць найвышэйшая каштоўнасць”.