Польскі прымежны горад абстралялі з тэрыторыі Беларусі
62- 1.12.2021, 10:48
- 105,246
Абстрэлам знішчаны асвятляльныя мачты ў Тэрэспалі.
Міністэрства абароны Польшчы паведаміла аб абстрэле памежнага горада Тэрэспаля з боку Беларусі.
«У раёне Тэрэспаля абстраляныя асвятляльныя мачты, усталяваныя жаўнерамі польскага войска на мяжы з Беларуссю. Пражэктары былі знішчаны ў выніку стрэлаў з пнеўматычнай зброі. Абстрэл быў зроблены з тэрыторыі Беларусі», - паведаміла Мінабароны Польшчы.
W okolicach Terespola ostrzelane zostały maszty oświetleniowe ustawione przez żołnierzy Wojska Polskiego na granicy z Białorusią. Reflektory zostały zniszczone w wyniku strzałów z broni pneumatycznej. Ostrzału dokonano z terenu Białorusi. pic.twitter.com/TKQziMdbMn
— Ministerstwo Obrony Narodowej 🇵🇱 (@MON_GOV_PL) December 1, 2021
Нагадаем, што 8 лістапада рэжым Лукашэнкі зладзіў маштабную правакацыю на польскай мяжы. Тысячы мігрантаў пад кантролем беларускіх спецслужбаў штурмавалі мяжу Польшчы. Польскі бок паведамляе, што ў наступных штурмах мяжы могуць узяць удзел да 10 тысяч нелегалаў.
15 лістапада беларускія вайскоўцы сагналі нелегалаў пад канвоем з іх лагера на мяжы з Польшчай да КПП "Брузгі-Кузніца".
16 лістапада мігранты пайшлі на штурм польскай мяжы.
Пасля гэтага мігрантаў размясцілі ў лагістычным цэнтры "Брузгі" на мяжы. Польская разведка паведаміла, што беларускія сілавікі ператварылі цэнтр "Брузгі" ў базу для нападаў мігрантаў на Польшчу.
26 лістапада Лукашэнка пабываў у лагеры мігрантаў, каб падняць іх на новы штурм польскай мяжы.