У Польшчы створаны кластар касмічных тэхналогій
- 5.11.2021, 21:21
- 1,160
Асноўная задача арганізацыі - стварэнне польскай незалежнай спадарожнікавай сістэмы.
У Польшчы створаны кластар касмічных тэхналогій. Гэта арганізацыя, якая аб'ядноўвае ўпраўленні, прадпрыемствы, ВНУ і дзяржаўныя ўстановы. Яна будзе займацца развіццём касмічных тэхналогій. Дамова аб стварэнні кластара была падпісаная падчас Кангрэса 590 у Ясенцы пад Жэшувам, паведамляе «Польское радио».
«Асноўнай задачай кластара з'яўляецца стварэнне польскай незалежнай спадарожнікавай сістэмы», - растлумачыў Пётр Дардзіньскі, старшыня Даследчай сеткі Лукасевіча.
«20 партнёраў маюць 85% ключавых кампетэнцый у авіяцыйным і касмічным сектарах у Польшчы. Цяпер пытанне толькі ў тэмпе рэалізацыі гэтага праекта. Нарэшце мы зможам, пасля рэалізацыі гэтага праекта, убачыць Польшчу з космасу на ўласныя вочы. Гэта вельмі-вельмі важна», - сказаў ён.
Паводле ацэнак, стварэнне польскай спадарожнікавай сістэмы будзе каштаваць ад 400 да 700 мільёнаў злотых (86-152 мільёны еўраў).