МЗС Брытаніі: Мы будзем абараняць і падтрымліваць Украіну і Заходнія Балканы
1- 30.11.2021, 14:42
- 3,510
Крэмль здзяйсняе стратэгічную памылку.
У аўторак у Міністэрстве замежных спраў Вялікай Брытаніі заявілі, што ўварванне РФ ва Украіну і падрыў стабільнасці яе краін-партнёраў будзе стратэгічнай памылкай. І адзначылі, што Лондан будзе абараняць і падтрымліваць стабільнасць Заходніх Балкан і Украіны.
Пра гэта паведамляе РБК-Украіна са спасылкай на кіраўніка МЗС Брытаніі Ліз Трас, якую цытуе Reuters.
З яе слоў, усе папрокі аб тым, што «NATO правакуе Расею», з'яўляюцца ілжывымі і наўмысна распаўсюджваюцца перад сустрэчай міністраў замежных спраў альянсу.
«Мы будзем стаяць разам з нашымі субратамі-дэмакратыямі супраць зламыснай дзейнасці Расеі. Мы будзем падтрымліваць Украіну і стабільнасць на Заходніх Балканах. Усякая здагадка аб тым, што NATO правакуе РФ, з'яўляецца ілжывай. А ўсе дзеянні Расеі для падрыву свабоды і дэмакратыі, якімі карыстаюцца нашы партнёры, будуць стратэгічнай памылкай», - адзначыла кіраўніца МЗС Брытаніі.
Раней генеральны сакратар NATO Енс Столтэнберг прыстрашыў Расею палітычнымі і эканамічнымі наступствамі ў выпадку агрэсіі супраць Украіны.