Польскія памежнікі адбілі 134 напады мігрантаў пад кіраўніцтвам беларускіх спецслужбаў
2- 30.11.2021, 11:18
- 3,132
Групы агрэсіўных нелегалаў штурмавалі мяжу на адцінках застаў у Мельніку і Шудзялаве.
Польскія памежнікі сёння ўночы адбілі 134 напады мігрантаў, якія кантралююцца беларускімі спецслужбамі, паведамляюць польскія памежнікі.
Былі выдадзеныя 33 пастановы аб выправаджэнні нелегалаў з тэрыторыі Рэспублікі Польшча.
Аператыўнікі затрымалі 2 грамадзян Украіны за дапамогу.
Групы агрэсіўных замежнікаў фарсавалі мяжу на адцінках застаў у Мельніку і Шудзялаве.
Minionej doby tj.29.11 granicę🇵🇱🇧🇾próbowały przekroczyć 134 osoby.Wydano 33 postanowienia o opuszczeniu terytorium RP.#FunkcjonariuszeSG zatrzymali 2 ob.Ukrainy za pomocnictwo.
— Straż Graniczna (@Straz_Graniczna) November 30, 2021
Grupy agresywnych cudzoziemców forsowały granicę na odcinkach placówek SG w Mielniku i w Szudziałowie. pic.twitter.com/70NoSYrrlr
Нагадаем, што 8 лістапада рэжым Лукашэнкі зладзіў маштабную правакацыю на польскай мяжы. Тысячы мігрантаў пад кантролем беларускіх спецслужбаў штурмавалі мяжу Польшчы. Польскі бок паведамляе, што ў наступных штурмах мяжы могуць узяць удзел да 10 тысяч нелегалаў.
15 лістапада беларускія вайскоўцы сагналі нелегалаў пад канвоем з іх лагера на мяжы з Польшчай да КПП "Брузгі-Кузніца".
16 лістапада мігранты пайшлі на штурм польскай мяжы.
Пасля гэтага мігрантаў размясцілі ў лагістычным цэнтры "Брузгі" на мяжы. Польская разведка паведаміла, што беларускія сілавікі ператварылі цэнтр "Брузгі" ў базу для нападаў мігрантаў на Польшчу.
26 лістапада Лукашэнка пабываў у лагеры мігрантаў, каб падняць іх на новы штурм польскай мяжы.
