Жаўнеры Жалезнай дывізіі паказалі, як выглядае раніца на польска-беларускай мяжы
1- 30.11.2021, 10:34
- 21,696
Байцы патрулююць мяжу з дапамогай гелікаптэраў Mі 17 і дронаў.
Польскія вайскоўцы з 18-й механізаванай дывізіі (Жалезная дывізія) паказалі, як выглядае раніца на польска-беларускай мяжы.
“Мы пачынаем яшчэ адзін дзень на мяжы! У прымежнай зоне мы выконваем патрульныя палёты на Mі 17 і выведвальныя палёты з дапамогай беспілотных лятальных апаратаў Orbiter і FlyEye”, - паведамілі байцы Жалезнай дывізіі.
Польскія жаўнеры таксама паказалі, як патрулююць забалочаныя ўчасткі мясцовасці ў раёне ракі Буг, якую часта спрабуюць пераадолець нелегальныя мігранты.
Rozpoczynamy kolejny dzień na granicy! W strefie przygranicznej prowadzimy loty patrolowe (#Mi17) i rozpoznawcze (bezzałogowce #Orbiter i #FlyEye). Robimy to, co należy! 🇵🇱 pic.twitter.com/fD9LRASSJ5
— 18 Dywizja Zmechanizowana (@Zelazna_Dywizja) November 30, 2021
Żołnierze @16Dywizja podczas obserwacji #granica ❗💪 Naszym celem jest powstrzymanie napływu nielegalnych migrantów wspomagając @Straz_Graniczna w patrolowaniu odcinków przygranicznych ❗🤜🤛 pic.twitter.com/COiCVndzR0
— 16 Dywizja Zmechanizowana (@16Dywizja) November 29, 2021
Нагадаем, што 8 лістапада рэжым Лукашэнкі зладзіў маштабную правакацыю на польскай мяжы. Тысячы мігрантаў пад кантролем беларускіх спецслужбаў штурмавалі мяжу Польшчы. Польскі бок паведамляе, што ў наступных штурмах мяжы могуць узяць удзел да 10 тысяч нелегалаў.
15 лістапада беларускія вайскоўцы сагналі нелегалаў пад канвоем з іх лагера на мяжы з Польшчай да КПП "Брузгі-Кузніца".
16 лістапада мігранты пайшлі на штурм польскай мяжы.
Пасля гэтага мігрантаў размясцілі ў лагістычным цэнтры "Брузгі" на мяжы. Польская разведка паведаміла, што беларускія сілавікі ператварылі цэнтр "Брузгі" ў базу для нападаў мігрантаў на Польшчу.
26 лістапада Лукашэнка пабываў у лагеры мігрантаў, каб падняць іх на новы штурм польскай мяжы.
