У Белым доме ўстанавілі 41 калядную ялінку: фотафакт
1- 30.11.2021, 10:18
- 3,574
Як рэзідэнцыю Байдэна ўпрыгожылі да зімовых свят.
Рэзідэнцыю амерыканскага прэзідэнта ўпрыгожылі да калядных свят. Работы ўпрыгожвання памяшканняў закончыліся ў панядзелак, 29 лістапада, піша New York Post.
Для дзейнага кіраўніка дзяржавы Джо Байдэна і ягонай жонкі Джыл гэта будуць першыя Каляды ў Белым доме. Са слоў першай лэдзі, упрыгожванні аб'яднаныя тэмай "Падарункі ад сэрца".
У рэзідэнцыі ўстанавілі 41 калядную ялінку. Адную з іх упрыгожылі фатаграфіямі былых кіраўнікоў дзяржавы і першых лэдзі, уключаючы Дональда і Меланію Трампаў.
У будынку развесілі 25 навагодніх вянкоў, святочныя гірлянды, а над камінам - шкарпэткі для падарункаў. Для дэкору было выкарыстана блізу двух кіламетраў стужак, больш за 300 свечак і блізу 10 тысяч упрыгажэнняў.
Каб упрыгожыць Белы дом унутры і звонку, сотні валанцёраў спатрэбілася блізу сямі дзён.