Служба аховы дзяржаўнай мяжы Літвы: На беларускім баку былі зробленыя два стрэлы

На мяжы Літвы з Беларуссю развярнулі 45 нелегальных мігрантаў.

На мяжы Літвы з Беларуссю развярнулі 45 мігрантаў, паведаміла delfi.lt у суботу Служба аховы дзяржаўнай мяжы Літвы (САДМЛ).

За гуманітарных прычын за мінулы дзень упусцілі аднаго замежніка. Увечары на мяжы ў Лаздзійскім раёне, на беларускім баку, былі зробленыя два стрэлы.

Сярод замежнікаў, якіх не пусцілі ў пятніцу, былі 24 мігранты, затрыманыя ў Варэнскім раёне прыкладна за 70 метраў ад мяжы.

Усе яны дарослыя, назваліся грамадзянамі Ірака і Сірыі. Іншаземцы з Беларусі трапілі ў Літву праз перарэзаны калючы дрот.

Паводле інфармацыі САДМЛ, гэта ўжо трэці выпадак прарыву драцяной загароды на мяжы. Усе выпадкі зарэгістраваныя ў Варэнскім раёне. Чацвярых іракцаў таксама не пусцілі ў краіну і вярнулі ў Беларусь.

У чацвер яны спрабавалі нелегальна трапіць у Літву праз КПП Медзінінкай, схаваўшыся ў паўпрычэпе. З пачатку жніўня, калі памежнікі атрымалі права не пускаць у краіну замежнікаў з Беларусі ў забароненых месцах, у Літву не змаглі патрапіць больш за 7,4 тысячы нелегальных мігрантаў.

Агулам сёлета ў Літву незаконна патрапіла амаль 4,2 тысячы мігрантаў.