Мігранты пад кіраўніцтвам беларускіх вайскоўцаў 206 разоў спрабавалі прабіцца праз мяжу Польшчы
3- 27.11.2021, 10:32
- 3,426
Маштабны штурм адбыўся ўначы ў раёне Белавежы.
За дзень мяжу Польшчы з боку Беларусі спрабавалі незаконна перасячы 206 разоў. Гэтыя спробы былі папярэджаныя, паведамляе Памежная служба Польшчы.
За дапамогу мігрантам супрацоўнікі праваахоўных органаў Польшчы затрымалі 7 замежнікаў: 6 грамадзянаў Грузіі і грамадзяніна Расеі.
На адрэзку, які ахоўваецца фарпостам польскіх памежнікаў у Белавежы, польскія памежнікі адбілі атаку групы нелегалаў 100 чалавек, якія дзейнічалі пры дапамозе беларускіх сілавікоў.
Wczoraj tj.26.11 gr.🇵🇱🇧🇾próbowało nielegalnie przekroczyć 206 osób. Próbom tym zapobieżono.
— Straż Graniczna (@Straz_Graniczna) November 27, 2021
Za pomocnictwo #funkcjonariuszeSG zatrzymali 7 cudzoziemców:6 ob.Gruzji i ob.Rosji.
Na odcinku ochranianym przez Placówkę SG w Białowieży,służby odparły atak na granicę grupy 100 osób. pic.twitter.com/UF1rLS3Jx9
Нагадаем, што 8 лістапада рэжым Лукашэнкі зладзіў маштабную правакацыю на польскай мяжы. Тысячы мігрантаў пад кантролем беларускіх спецслужбаў штурмавалі мяжу Польшчы. Польскі бок паведамляе, што ў наступных штурмах мяжы могуць удзельнічаць да 10 тысячаў нелегалаў.
15 лістапада беларускія вайскоўцы сагналі нелегалаў пад канвоем з іх лагера на мяжы з Польшчай да КПП "Брузгі-Кузніца".
16 лістапада мігранты пайшлі на штурм польскай мяжы.
Пасля гэтага мігрантаў размясцілі ў лагістычным цэнтры "Брузгі" на мяжы. Польская выведка паведаміла, што беларускія сілавікі ператварылі цэнтр "Брузгі" ў базу для нападаў мігрантаў на Польшчу.
26 лістапада Лукашэнка пабываў у лагеры мігрантаў, каб падняць іх на новы штурм польскай мяжы.