У Польшчы паказалі драўляныя «масты», па якіх беларускія сілавікі накіроўваюць мігрантаў праз мяжу
6- 27.11.2021, 9:37
- 22,126
Канструкцыі зробленыя занадта якасна для ўмоваў, у якіх знаходзяцца нелегалы.
Польская паліцыя паказала, як выглядаюць "масты", спецыяльна падрыхтаваныя беларускім рэжымам для людзей, якія гвалтам выцясняюцца на польскую тэрыторыю і ў Еўрапейскі Звяз.
На фоне гэтых збудаванняў выразна відаць беларускіх вайскоўцаў на іншым баку мяжы, а «масты» зробленыя занадта якасна для ўмоваў, у якіх знаходзяцца мігранты.
Kiedy większość korzysta już z uroków rozpoczętego weekendu my właśnie tak powstrzymujemy nielegalne wkroczenie na teren 🇵🇱🇪🇺. Tak wyglądają „kładki” specjalnie przygotowane przez reżim białoruski dla osób, które są siłą wpychane na teren Polski i Unii Eueopejskiej.#NaGranicy pic.twitter.com/XBMbkQIN11
— Polska Policja 🇵🇱 (@PolskaPolicja) November 26, 2021
Нагадаем, што 8 лістапада рэжым Лукашэнкі зладзіў маштабную правакацыю на польскай мяжы. Тысячы мігрантаў пад кантролем беларускіх спецслужбаў штурмавалі мяжу Польшчы. Польскі бок паведамляе, што ў наступных штурмах мяжы могуць удзельнічаць да 10 тысячаў нелегалаў.
15 лістапада беларускія вайскоўцы сагналі нелегалаў пад канвоем з іх лагера на мяжы з Польшчай да КПП "Брузгі-Кузніца".
16 лістапада мігранты пайшлі на штурм польскай мяжы.
Пасля гэтага мігрантаў размясцілі ў лагістычным цэнтры "Брузгі" на мяжы. Польская выведка паведаміла, што беларускія сілавікі ператварылі цэнтр "Брузгі" ў базу для нападаў мігрантаў на Польшчу.
26 лістапада Лукашэнка пабываў у лагеры мігрантаў, каб падняць іх на новы штурм польскай мяжы.
