Штучны інтэлект дапамог навукоўцам знайсці яшчэ 300 планет у Млечным Шляху

Да гэтага даследчыкам было вядома пра 4,5 тысячы падобных нябесных целаў.

Навукоўцы з дапамогай нейрасеціва ExoMiner адкрылі 301 экзапланету. Яны папоўнілі спіс з 4569 планет, якія круцяцца вакол далёкіх зорак, і ўжо былі вядомыя навукоўцам, паведамляе NASA.

ExoMiner - гэта нейрасеціва глыбокага навучання, якое выкарыстоўвае суперкампутар NASA Pleiades і можа адрозніць экзапланеты ад «ілжывых спрацоўванняў». Пры стварэнні нейрасеткі выкарыстоўваліся розныя падыходы і методыкі, якія людзі выкарыстоўваюць пры пошуку экзапланет. Штучны інтэлект вучыўся, выкарыстоўваючы мінулыя пацверджаныя экзапланеты і прытворнададатныя выпадкі.

Нейрасеціва дапаўняе даследаванні, праведзеныя людзьмі. Так, яно вывучала звесткі, сабраныя тэлескопам «Кеплер» падчас яго місіі К2. Паколькі тэлескоп назіраў за тысячамі зорак, на вывучэнне ўсіх звестак і пошук патэнцыйных экзапланет патрабуецца вельмі шмат часу. Дзякуючы ExoMiner гэтую праблему ўдалося развязаць.

Паміж пацверджанымі экзапланетамі і кандыдатамі ў экзапланеты існуе розніца. Экзапланета лічыцца пацверджанай, калі розныя тэхнікі назірання паказваюць на тое, што аб'ект валодае рысамі, характэрнымі толькі для планеты.

Штучны інтэлект змог вызначыць, што 301, выяўлены «Кеплерам» аб'ект, з'яўляецца планетай. Да таго, як даследаванне правёў ExoMiner, ніхто не мог вызначыць гэтыя аб'екты як экзапланеты.

Навукоўцы таксама сцвярджаюць, што штучны інтэлект больш дакладны і паслядоўны ў выключэнні ілжывых спрацоўванняў, а таксама лепш спраўляецца з выяўленнем сапраўдных сігнатур планет. Дзякуючы гэтаму навукоўцы могуць зразумець, якім чынам ExoMiner прыйшоў да той ці іншай высновы.

Ні адна з выяўленых планет не падобная на Зямлю і не размяшчаецца ў заселенай зоне зоркі. Разам з тым, яны валодаюць рысамі, характэрнымі для большасці планет у Млечным Шляху.