У Амстэрдаме з'явілася беспілотнае воднае таксі

Відэафакт.

У сталіцы Нідэрландаў Амстэрдаме па гарадскіх каналах запусцілі беспілотнае воднае таксі Roboat III. Пра гэта паведамляе ZDNet.

Беспілотная лодка можа перавозіць да пяці чалавек пасажыраў ці 1500 кг грузу. Новы дызайн выкананы ў элегантным чорна-шэрым колеры.

Воднае беспілотнае таксі было створанае навуковымі работнікамі і інжынерамі Масачусецкага тэхналагічнага інстытута і Амстэрдамскага інстытута перадавых гарадскіх развязанняў.

Упершыню распрацаваная і выпрабаваная ў 2015 годзе мадэль зведала значныя паляпшэнні, каб стаць паўнацэннай службай таксі горада. Электрычная лодка разлічаная на 10 гадзін працы пры поўным зарадзе батарэй.

Сістэма кіравання Roboat аналагічная сістэме, якая выкарыстоўваецца ў беспілотных аўтамабілях: камбінацыя сканавання LIDAR, стварэнне лічбавай мапы, выяўленне аб'ектаў і перашкод, а таксама наяўнасць датчыкаў і камер, якія даюць лодцы агляд на 360 градусаў.