Youtube абнаўляе функцыю непадабаек
15- 10.11.2021, 21:45
- 6,418
Што зменіцца?
Youtube наважыў перагледзець палітыку ў дачыненні да ўпадабаек і непадабаек. З гэтага часу колькасць антыпатый будзе ўтоеная для гледачоў кантэнту.
Стваральнікі кантэнту і надалей змогуць назіраць за статыстыкай сваіх відэаролікаў, у той жа час колькасць непадабаек не будзе адлюстроўвацца для гледачоў.
Як адзначаюць у Youtube, паводле вынікаў іх эксперыментаў, вялікая колькасць непадабаек правакуе іншых гледачоў таксама негатыўна паставіцца да кантэнту.
Абнаўленне пачне паступова ўводзіцца з сённяшняга дня.
«Мы хочам стварыць інклюзіўнае і паважлівае асяроддзе, у якім аўтары змогуць дасягнуць поспеху і адчуваць сябе ў бяспецы для самавыяўлення», - піша Youtube.