Бізнэсмэн Кныровіч пра гульню зборнай Беларусі і Эстоніі: Прыгажосць! Так і павінна быць
4- 9.10.2021, 12:39
- 6,632
Усё змянілася з 2020 года.
Бізнэсмэн Аляксандр Кныровіч падзяліўся меркаваннем пра паразу зборнай Беларусі ў матчы з Эстоніяй (0:2).
«Хто жыве на дне акіяна?
Я – спартовы заўзятар. Доўгія гады шчыра хварэў за беларускія зборныя, асобныя клубы – БАТЭ ў Эўропе, “Цмокі” – у ВТБ, “Дынама” – у КХЛ. Бездань пазітыўных эмоцый і да гэтага часу казытлівых успамінаў.
А потым надышоў 2020-ы... і ўсё змянілася.
Сёння я адчуваю проста супрацьлеглыя пачуцці. Шчыра хварэю супраць “Дынама” (у якім ужо 12 легіянераў, ну-ну...). Ні грама не перажываю за ніякія “Цмокі”, спачуваю БАТЭ.
І вось – зноў футбол. Зборная.
Слаўныя былі часы. Малафееўскае “Дынама” 82. А потым – пакаленне Глеба, Кутузава, Рамашчанкі. І Цімафей Калачоў – чалавек-легенда, сапраўдны спартовы герой, якому цэлы Маурыньё на знак павагі руку паціскаў пасля матчу!
Усё было. І скончылася.
І вось – яны пацярпелі паразу. Паразу ва ўсім, дзе толькі маглі. Саступілі Эстоніі і цяпер са 100% верагоднасцю зоймуць апошняе месца ў групе. Прыгажосць!
Так і павінна быць. Не час для святаў. Віншую», – напісаў Кныровіч.