Валерый Цапкала: 1 лістапада трэба ўсім сказаць «Годзе!»

Экс-кандыдат у прэзідэнты Беларусі падтрымаў заклік працоўных выйсці на забастоўку.

Экс-кандыдат у прэзідэнты Беларусі Валерый Цапкала падтрымаў заклік працоўных выйсці на забастоўку і патлумачыў, чаму ўсе мы павінны застацца дома 1 лістапада.

- Як вы ведаеце, Беларускае аб'яднанне працоўных абвясціла аб страйку з 1 лістапада. У сувязі з гэтым рашэннем хачу выступіць у падтрымку тых, хто спрыяў гэтаму сур'ёзнаму кроку, а таксама, безумоўна, тых, хто плануе падтрымаць забастоўку і застацца дома <...>, - звярнуўся Валерый Цапкала.

- Мы вывернулі навыварат яго (Лукашэнка - заўв.) подлую сутнасць, яго натуру. І вось яна паўстала перад намі: спалоханая, потная, якая калоціцца ад страху. Асабліва калі працоўныя МЗКЦ сказалі яму: «Ідзі!» <...> Гэта крывасмок, падкінуты нашай краіне ў якасці выпрабаванняў. Час усім нам, усім без выключэння, сказаць: «Годзе!» рабочым, у якіх ён забірае грошы, пакідаючы толькі мізэрныя драбкі. Лекарам, якіх ён кінуў на волю лёсу ў перыяд пандэміі. Сілавікам, мундзір якіх ён зганьбіў рукамі садыстаў у вашых шэрагах. Настаўнікам, якіх ён выкарыстоўваў у фальсіфікацыях для незаконнай узурпацыі ўлады. Супрацоўнікам МНС, якіх ён прыніжаў, прымушаючы займацца шкарпэткамі на балконах. І ветэранаў, чые ордэны і медалі ён абразіў. Мы ўсе павінны спыніць гэта!

Мы ў любым выпадку пераможам. У гэтай гісторыі няма іншага варыянту, у яе не можа быць іншага канца, - сказаў Валерый Цапкала.