Той, хто прызнаўся ў забойстве расейскага банкіра Яхантава, наклаў на сябе рукі ў беларускім ізалятары?
22- 28.10.2021, 9:59
- 21,836
Папярэдняй версіяй смерці называецца асфіксія.
Андрэй Скрыпкін, які прызнаўся ў забойстве былога банкіра Міхаіла Яхантава і ўсёй яго сям'і на захадзе Масквы, учыніў самагубства ў беларускім следчым ізалятары. Пра гэта паведаміла крыніца «Грамадскай службы навін» у праваахоўных органах Беларусі.
Папярэдняй версіяй смерці называецца асфіксія.
Інфармацыю пацвердзіў і тэлеграм-канал Mash.
Падазроны ў забойстве сям'і былога банкіра Міхаіла Яхантаў на захадзе Масквы быў затрыманы на тэрыторыі Беларусі напярэдадні, 27 кастрычніка. Ён паспеў даць прызнальныя сведчанні і меўся быць накіраваны ў Расею.
«На допыце ў беларускага следчага Скрыпкін даў прызнальныя сведчанні. Паводле ягоных слоў, забойства не было спланаванае і адбылося спантанна», - паведамляў «Інтэрфакс».
