Нона Мамулашвілі: Грузіны генетычна не ўспрымаюць Расейскую імперыю
18- 27.10.2021, 19:28
- 6,766
Грузіны здатныя змагацца столькі, колькі трэба для перамогі.
Грузіны генетычна не ўспрымаюць Расейскую імперыю. Пра гэта ў інтэрв'ю выданню "Гордон" заявіла Нона Мамулашвілі - дэпутатка парламента Грузіі і адна з лідэрак партыі "Адзіны нацыянальны рух", заснаванай экс-прэзідэнтам Грузіі Міхэілам Саакашвілі.
"Ужо 200 гадоў Расея імкнецца Каўказ пераламаць, але марна. Нам дапамагае тое, што 85% грузінаў бачаць сваю краіну толькі часткай Захаду, людзі на генетычным узроўні не ўспрымаюць Расейскую імперыю. Нягледзячы на ўсю прапаганду, улады не здалелі змяніць гэты настрой. І я думаю, мы здатныя працягваць барацьбу столькі, колькі трэба для поўнай перамогі", - падкрэсліла Мамулашвілі.
На ейную думку, найбліжэйшым часам РФ не будзе звяртацца да актывізацыі ваенных дзеянняў на грузінскай тэрыторыі.
"Расея непрадказальная і можа пайсці на ўсякую правакацыю. Рызыкі даволі шмат, асабліва пасля таго, што яна нарабіла ў свеце. Але цяпер рэсурсаў у яе замала, таму актыўных ваенных дзеянняў я не чакаю. Навошта, калі ў іх гібрыдная вайна і свой урад Грузіі?" – падсумавала Мамулашвілі.