«Манчэстар Юнайтэд» упершыню з 1936 года прапусціў 5 галоў ад «Лівэрпуля»
- 24.10.2021, 20:23
- 3,600
Сустрэча праходзіць на «Олд Трафард».
Футбалісты «Лівэрпуля» у гэтыя хвіліны перамагаюць у «Манчэстара Юнайтэда» ў матчы дзявятага тура чэмпіянату Англіі. Гульня праходзіць на поле манкуніянцаў, лік падчас другога тайма - 5:0 на карысць гасцей.
Ужо ў першым тайме госці адправілі ў браму МЮ чатыры галы без адказу. На 5-й хвіліне вызначыўся Набі Кейта, на 13-й лік падвоіў Дыяген Жота. Затым дубль зладзіў Магамэд Салаг (38, 45+5). А пасля перапынку егіпцянін забіў свой трэці гол у гэтым матчы (50).
«Манчэстар Юнайтэд» упершыню з лістапада 1936 года прапусціў ад «чырвоных» 5 галоў. Тады «Лівэрпуль» перамог у матчы першага дывізіёна чэмпіянату Англіі з лікам 5:2. Гульня таксама праходзіла ў Манчэстэры.