Пясчаная бура накрыла беларускіх выведнікаў на мяжы з Афганістанам
25- 24.10.2021, 12:59
- 10,506
Вайскоўцы апынуліся ў складанай сітуацыі.
Беларускія выведнікі "знішчылі" ўмоўных баевікоў на вучэннях АДКБ "Баявое брацтва", якія праходзяць на афганскай мяжы, паведамілі ў прэс-службе Мінабароны.
Выведгрупа, у якую ўвайшлі курсанты Ваеннай акадэміі і вайскоўцы асобнай роты спецпрызначэння Заходняга аператыўнага камандавання, высочвала ворага некалькі дзён. Праводзіць штурм лагера баевікоў давялося ва ўмовах абмежаванай бачнасці: падчас актыўнай фазы вучэнняў на палігоне "Харбмайдон" паднялася пясчаная бура.
У пошуках спаборніка выведнікам давялося праверыць блізу 40 квадратных кіламетраў. Беларуская група рухалася ў асноўным ноччу, выкарыстоўваючы прыборы начнога бачання і беспілотны авіяцыйны комплекс "Моск". Для ўзмацнення штурму да лагера ўмоўных баевікоў на некалькіх бронеаўтамабілях рушыла зводная група вайскоўцаў Расеі, Казахстана і Таджыкістана.