28 сакавiка 2024, Чацвер, 14:50
Падтрымайце
сайт
Сім сім,
Хартыя 97!
Рубрыкі

«Частка атачэння Лукашэнкі задумваецца: А ці не час яму атрымаць апаплексічны ўдар»

35
«Частка атачэння Лукашэнкі задумваецца: А ці не час яму атрымаць апаплексічны ўдар»

Для завадатара хунты прадугледжаныя таксама варыянты кавіднуцца, атруціцца, задыхнуцца...

Калі ўжо што «адлюстраваць» за тыдзень, што заканчваецца, дык гэта, вядома, палацавую нараду 23 кастрычніка датычна кавіду. Сказаны былі выбітныя нават для беларускай чорнай камедыі фразы, піша тэлеграм-канал «Люстэрка ўлады».

Спачатку Лукашэнка смачна плюнуў у гарод Пуціна, спытаўшы ў Піневіча, як гэта ён дапускае на сустрэчу да «прэзідэнта, які адзін», асобаў, што не прайшлі каранцін і ПЛР-тэст. Намёк быў празрысты: я не баюся, у адрозненне ад «бункернага» старэйшага брата. У адпаведных кабінетах у Маскве нарыхтоўку, дарэчы, заўважылі.

А далей, хто прапусціў, чытайце ўважліва. Цытуем даслоўна. «Чаму паднялі гвалт на ўсю краіну? Чаму міліцыю мабілізавалі на праверку маскавага рэжыму? Мацаюць усюды, нават жанчынаў не шкадуючы? А дзе тут міністр? (Кубракоў падымаецца) Я вас папярэджваў! Вам што, няма чым займацца? Вы чаму закон парушаеце? У нас няма закону такога, які дае вам права абмацваць, аглядаць, лавіць людзей і здымаць намыснікі! (Доўгая паўза з вельмі злым позіркам) Вы каму падыгрываеце? »

Зноў Піневічу: «Так ужо калі лечыце, дык лячыце як след, пачынаючы ад гэтай зоны і сканчаючы ўсюды на вуліцах, Дзмітрый Леанідавіч!» (Сэнс, магчыма, ясны Піневічу як «лекару»).

Усю гэтую рэфлексію запаленага мозгу можна было б назваць яшчэ адным спектаклем «б'ём злых баяраў» для недасведчанай публікі.

Аднак: 1) злосць на міністраў выглядала шчырай; 2) зробленыя агаворкі вельмі сімптаматычныя. Мы не ведаем, што мелася на ўвазе ў фразах пра міліцыянтаў, якія «мацаюць» і «абмацваюць» жанчынаў. У дадатку да сапраўдных і ўяўных актывістаў пратэсту згадка «закону» ўвогуле вельмі цынічная. Але вось фраза пра «абмацваць, аглядаць, лавіць людзей і здымаць намызнік» проста цудоўная!

Такое ўражанне, што балючая свядомасць заблыталася ва ўласных хацелках і выносіць іх вонкі. Напрыклад, палавіць тых, хто ходзіць у масках. Бо, як вядома, хто ў масцы, той супраць Лукашэнкі.

Людзі, якія сядзелі з каменнымі тварамі пры гэтай сцэне, розныя Тэртэлі-Сергіенкі-Петрышэнкі (як, зрэшты, і Кубракоў), вядома, не маглі не думаць на тэму адэкватнасці прамоўцы (нават яны!).

Мы не раз адзначалі, што самыя магутныя бомбы пад рэжым традыцыйна падкідвае сам верхавод.

У ягоным асяроддзі ёсць і непраходныя тупіцы, і памежныя цынікі, і проста не надта здольныя думаць механізмы. Але частка гэтага асяроддзя не можа не задумвацца: а ці не час любімаму кіраўніку кавіднуцца, атруціцца, задыхнуцца, атрымаць апаплексічны ўдар ці проста няздольнасць выконваць свае абавязкі.

Яшчэ раз звернем увагу на шматзначныя «прагаворкі» (паводле Фройда, не паводле Фройда, але даўно ясна, што з самакантролем і мысленнем праблемы ёсць). І на тое, што «высечы» (і па-сапраўднаму) могуць любога Кубракова.

Напісаць каментар 35

Таксама сачыце за акаўнтамі Charter97.org у сацыяльных сетках