Беларускі лекар: Напляваць на Лукашэнку, трэба ратаваць нацыю

Краіне патрэбны локдаўн.

Сітуацыя з COVID-19 у краіне - крытычная. Аднак сур'ёзных карантынных захадаў у нашай краіне дагэтуль няма. Беларускі лекар Аляксей Носаў, які пражывае ў Гішпаніі, мяркуе, што жыццё людзей выратуе толькі локдаўн:

- Не прайшло і паўтары гады пасля тысяч смерцяў і ўлады пачалі разумець, што адбываецца. Да іх пачынае даходзіць да ўсіх, ці яны данеслі да «хакеіста» свайго, што тое, што адбываецца сур'ёзна і закране ўсіх. Тым не менш, цяпер яны ўвялі, груба кажучы, паўмеры. Зыходзячы з майго досведу лекара, а таксама досведу знаходжання ў Гішпаніі, улады павінны былі дзейнічаць наступным чынам.

Па-першае, урад павінен быў увесці рэжым надзвычайнай сітуацыі з кампенсацыяй заробкаў тым, хто вымушаны знаходзіцца дома. Па-другое, пачаць санітарную асвету з дапамогай тэлеканалаў і іншых медый, тлумачыць, што гэта за вірус, як ён працякае ў бессімптомных формах, што рабіць з сімптомамі.

Таксама, гэта вельмі важна, прыбраць чэргі з паліклінік. Па магчымасці перавесці запіс да лекараў, атрыманне талонаў, кансультацыю ў інтэрнэт. Увесці штрафы за адсутнасць масак, як гэта рабілі ў Гішпаніі. На жаль, далёка не ўсе людзі разумеюць усю сур'ёзнасць таго, што адбываецца.

- Днямі улады спынілі планавае медыцынскае абслугоўванне ў шпіталях. Яны матывавалі гэта тым, што трэба вызваліць месцы ў клініках для ковідных хворых. Няўжо няма іншых спосабаў вызваліць рэсурсы пад хворых?

- Асобна спынюся на сітуацыі ў паліклініках. Проста цяпер трэба займаць іншыя памяшканні. Магчыма, спартовыя залы, палацы, ствараць лячэбныя базы накшталт вайсковых шпіталяў для цяжкіх хворых. Трэба тэрмінова разгружаць клінікі, бо акрамя каранавіруса ёсць мноства іншых цяжкіх захворванняў, якія патрабуюць лячэння. Таму трэба хоць нейкія магутнасці вызваляць. Так, гэта дорага, але, калі гэтым займацца, сусветная супольнасць пачынае дапамагаць. Для гэтага, вядома, трэба таксама даць поўную адкрытую статыстыку аб захворванні ў тых краінах.

Калі гэта ўсё зрабіць, то і САЗ, і проста іншыя краіны пачынаюць дапамагаць. У першую чаргу - фінансава, але таксама iншымi рэсурсамі, нават лекарамі. Мы ідзем да вельмі сумнага канца ў Беларусі. Вельмі сумнага, калі зараз не прыняць меры. У Дзмітрыя Піневіча (кіраўнік Міністэрства аховы здароўя Беларусі - заўв.) павінны з'явіцца, ці ён павінен пазычыць у кагосьці, яйца, каб выйсці перад загуляўшымся «хакеістам» і сказаць яму, што трэба рабіць. Інакш беларусаў чакае жорсткі генацыд.

- Лукашэнка працягвае сабатаваць барацьбу з пандэміяй ў Беларусі?

- Ён першапачаткова ўсё выдатна разумеў. Відавочна, што карэктная інфармацыя даходзіць да ўсіх. Справа толькі ў тым, як яе ўспрымаюць, інтэрпрэтуюць і што выдаюць у выніку. Я ўпэўнены, што ў Лукашэнкі з самага пачатку была ўся рэальная інфармацыя пра вірус, калі ён там гаварыў пра трактары. Аднак ён не стаў уводзіць рэжым пандэміі. Таму што ён разумеў, што з грашыма цяжка, яму няма чым аплаціць людзям знаходжанне дома ў самаізаляцыі, а на носе былі выбары. Ён надумаў сваіх «красаўцаў» аплаціць. Ну і вірус быў не вывучаны.

Лукашэнка паглядзеў - ну так, быццам, людзі паміраюць, але і гэтыя перажылі, і тыя, адна краіна, іншая, ну і нашы перажывуць. Галоўнае выбары цяпер. І так усё і здарылася.

- Ва ўмовах, калі ўлада працягвае ігнараваць катастрофу ў краіне, што, на вашу думкі, варта рабіць людзям?

- Калі б першапачаткова усё было зроблена правільна, то было б як у Еўропе. Памятаеце, калі пачалася пандэмія? Дык вось, тут, у Гішпаніі, мы на дварэ знялі маскі толькі два месяцы таму, а ў грамадскіх месцах дагэтуль носім. Але гэты цягнік ужо пайшоў, маскавым рэжымам ужо не абысціся.

Трэба ўводзіць максімальна жорсткі локдаўн. Трэба прасіць дапамогі ў сусветнай супольнасці і прызнацца ў сваім бяссіллі. Але як жа ён прызнаецца? Трэба па ўсіх беларускіх СМІ, незалежных, сапраўдных, пачынаць інфармаваць людзей аб тым, што трэба рабіць. Напляваць на гэтага Лукашэнку і што ён там кажа. Трэба беларускую нацыю ратаваць, бо ўсё скончыцца са мноствам смерцяў. Так, у некаторых з'явіцца імунітэт. Аднак не варта забываць аб наяўнасці ўскладненняў у перахварэўшых, шмат у каго доўга і цяжка праходзіць і рэабілітацыя пасля хваробы. Не чакайце дапамогі або загаду. Адукоўвайцеся, шукайце інфармацыю і самі шануйце маскавы рэжым, дэзінфікуйце рукі.

- Ці эфектыўныя цяпер наяўныя ў чалавецтва вакцыны?

- На гэтае пытанне вам ніхто адназначна не адкажа. Калі б я мог, я б ужо паехаў атрымліваць Нобэлеўскую прэмію. Наступствы хваробы яшчэ пакуль незразумелыя. Прайшло толькі паўтара года з першых цяжкіх хворых, а тут ужо штам «дэльта». Відавочна, ён больш агрэсіўны і складаны. Цяпер вірус вывучаецца, фактычна, мы ўсе зараз з'яўляемся паддоследнымі трусамі. Так што казаць нешта адназначна нельга. Тым не менш, зыходзячы з таго, што бачу я, з чым сутыкаюся, нягледзячы на з'яўленне новых штамаў, пэўны імунітэт вакцыны даюць.

Паводле эфектыўнасці, так, яны ўсе розныя. Мяркуючы з усяго, пакуль «Спутнік» - найменш эфектыўны. Хоць яна таксама дзейнічае. Вакцыны дзейнічаюць, паверце. Прышчапляцца трэба. Вядома, калі вы толькі што перахварэлі, вакцынавацца не трэба, у вас ёсць свой дастатковы імунітэт нейкі час. Але потым прышчапіцца ўсё адно варта.

У перахварэўшых блізу паўгода трымаецца добры свой імунітэт. Тым не менш, Міністэрству аховы здароўя трэба правесці свой тэст замежных вакцын і дапусціць іх у Беларусь. Заходнія вакцыны ўжо даказалі сваю эфектыўнасць.

Так, гэта ўсё грошы, але гэта не мае значэння, трэба людзей ратаваць. Я звяртаюся да гэтага «Дарт Вэйдэру» з цёмнага боку, хай паглядзіць фільм «Зорныя войны», ніколі не позна перайсці на светлы бок. Старычыны, выратуй нацыю, выратуй людзей!

Ёсць людзі, якія гатовыя далучыцца і ў плане адміністравання, і лагістыкі, яны гатовыя выратаваць людзей. Пытанне не ў «сініх пальцах» і не ў тваёй уладзе. Сёння мноства людзей і арганізацый гатовыя дапамагчы беларусам, трэба толькі прыняць адпаведную пастанову. САЗ, «Лекары без межаў» і проста ўрады шэрагу дзяржаў гатовыя дапамагчы.