На Растоўскай АЭС у Расеі адбылося аварыйнае прыпыненне энэргаблока
12- 21.10.2021, 10:02
- 4,726
Залатаць расколіну, якая выклікала выцек пары, пакуль не ўдалося.
У Расеі на Растоўскай АЭС адбыўся выцек пары. Спынены другі энэргаблок.
«Другі энэргаблок спынены і выведзены ў рамонт», - расказаў суразмоўца агенцтва «Інтэрфакс», дадаўшы, што пацярпелі ў выніку інцыдэнту няма.
«Выцек пары адбыўся на парагенератары. Другі энэргаблок спынены і выведзены ў рамонт», - сказала крыніца.
Як сцвярджае інфармаваная крыніца, «выцек адбыўся праз мікрарасколіны ў трубаправодзе парагенератара мінулай ноччу». «Трубаправод абследаваны. Залатаць мікрарасколіны пакуль не ўдалося», - сказаў суразмоўца агенцтва.
Растоўская АЭС размешчаная на беразе Цымлянскага вадасховішча за 16 кіламетраў ад Валгадонска, за 250 кіламетраў ад Растова-на-Доне. Станцыю пачалі будаваць у канцы 1970-х гадоў, у 1990-х гадах будаўніцтва было замарожанае і адноўлена ў 2000-х. Другі энеэргаблок быў прыняты ў эксплуатацыю ў 2010 годзе.