СМІ: Украіна можа тэхнічна зацягнуць сертыфікацыю «Паўночнага струменю - 2»
2- 20.10.2021, 17:35
- 2,554
Еўракамісія можа прыцягнуць да абмеркавання запуску трубы зацікаўленыя бакі.
У Брусэлі прызналі, што ва Украіны ёсць магчымасць зацягнуць працэс сертыфікацыі расейскага газаправода «Паўночны струмень – 2».
Пра гэта піша ТАСС са спасылкай на крыніцу ў інстытутах ЕЗ.
Еўракамісія можа прыцягнуць да абмеркавання запуску трубы зацікаўленыя бакі, напрыклад, «Нафтагаз Украіны», а гэта, у сваю чаргу, дасць Кіеву шанец зацягнуць сертыфікацыю «ПС-2» на некалькі месяцаў.
«У гэтым выпадку перыяд два месяцы для падачы высноваў Еўракамісіі аб пастанове нямецкага рэгулятара будзе падоўжаны яшчэ на два месяцы», - паведаміў расейскаму агенцтву супрацоўнік у адказ на пытанне аб наступствах удзелу «Нафтагаза» ў працэсе сертыфікацыі «Паўночнага струменю – 2».
Украіна ўжо падала заяўку на ўдзел у сертыфікацыі расейскага газаправода. «Нафтагаз» намагае, што «ПС-2» не можа быць сертыфікаваны, бо не забяспечаная яго поўная адпаведнасць еўрапейскаму заканадаўству.