Прэзідэнцкі рэйтынг ва Украіне: Парашэнка скараціў адрыў ад Зяленскага

Як выглядаюць электаральныя сімпатыі ўкраінцаў.

Калі б прэзідэнцкія выбары ва Украіне праходзілі найбліжэйшым часам, то Уладзімір Зяленскі атрымаў бы 19,1% галасоў сярод усіх рэспандэнтаў і 24,7% сярод тых, хто вызначыўся з выбарам. Месяц таму яго падтрымка складала 25,4% і 33,3% адпаведна, піша «Новое время».

Як паказалі звесткі апытання КМІС, за пятага прэзідэнта Пятра Парашэнку гатовыя прагаласаваць 12,1% усіх рэспандэнтаў і 15,6% тых, хто вызначыўся з выбарам (месяц таму было 12,8% і 16,8% адпаведна).

На трэцім месцы ідзе Юлія Цімашэнка з паказчыкамі 9,4% і 12,2% (месяц таму 7,8% і 10,3% адпаведна).

Далей ідуць прарасейскі палітык Юры Бойка (7,3% і 9,4%), Ігар Смяшко (6% і 7,8%) і былы спікер парламента Дзмітрый Разумкоў (5,5% і 7,1%), Яўген Мураеў ( 4,8% і 6,2%), Уладзімір Гройсман (4,1% і 5,3%), Алег Ляшко (4,0% і 5,1%), Віктар Медвядчук (2,3% і 2,9 %), Алег Цягнібок (1,0% і 1,3%), Кіра Рудзік (0,6% і 0,8%).