Палітолаг: Лукашэнка баіцца «дня Х», калі яго скінуць

Таракана грызе трывога.

На нарадзе, якая прайшла 19 кастрычніка аб Клвідзе (так, яго чацвёртая хваля мацнейшая за ранейшыя) Аляксандр Лукашэнка не абышоўся без выкрыцця «ворагаў, якія не спяць», піша на сайце naviny.online палітаглядальнік Аляксандр Класкоўскі.

Тым больш акцэнтаваў ён на іх увагу днём раней, калі прымаў, як паведаміла ягоная прэс-служба, "кадравыя пастанову ў сістэме дзяржаўнай бяспекі» (паказальна, што прызначэнні засталіся ананімнымі).

18 кастрычніка ў чарговы кадравы дзень, Лукашэнка нагадаў, што «сітуацыя застаецца напружанай, і нам супакойвацца яна не дае».

«Вам лепш за іншых вядома, - сказаў Лукашэнка, звяртаючыся да людзей у пагонах, твары якіх у тэлерэпартажы былі заблюрэныя, - што няўдалая спроба дзяржаўнага перавароту не змяніла планаў апанентаў».

Паказальна, што сам Лукашэнка, які не раз заклікаў «перагарнуць старонку», запэўнівае, што «пратэсты здушаныя», раз за разам тузае падначаленых, заклікаючы не расслабляцца, бо вораг не дрэмле, пляце новыя інтрыгі.

Гэта азначае, што напраўду вялікае начальства не надта верыць у безумоўную, канчатковую «перамогу».

Усё адно, як бачым, вялікае начальства апаноўваюць трывогі.

І наогул у штабах супраціўнікаў Лукашэнкі, відавочна, няма моцнага плана, як навязаць «сваю гульню». Увогуле, відавочна, што пра «дзень Х» Лукашэнка ведае больш, чым тыя, хто хоча яго скінуць.

На нарадзе ж аб каранавірусе Лукашэнка прызнаў, што пандэмія паўплывала на палітычныя паводзіны беларусаў падчас мінулагодняй прэзідэнцкай кампаніі: «Самым галоўным трыгерам быў Ковіда. Каму гэта незразумела?» А цяпер, маўляў, «пачынаецца палітычны шантаж і выкарыстанне [пандэміі супраць улады] вось у гэтую хвалю».

Варта толькі дадаць, што тады, летась, улады самі далі людзям, у тым ліку і далёкім ад палітыкі, нагоду для масавай незадаволенасці. Усе памятаюць, хто бравіраваў, раіў лячыць вірус лазняй, гарэлкай, трактарам, пагладжваннем белых козачак, сцвярджаў, што памерлыя ад Ковіда самі вінаватыя: гэты быў занадта тоўстым, а той бадзяўся па вуліцах (хоць даводзілася хадзіць на працу таму, што локдаўн не абвяшчаўся).

19 кастрычніка ўдзельнікі нарады былі ў асноўным без масак («напыснікаў», як калісьці грэбліва выказаўся Таракан). І наогул Лукашэнка паўшчуваў падначаленых за намер прыціснуць парушальнікаў маскавага рэжыму: «Бачыце, людзей яны пачалі штрафаваць. Хто вам даў права на гэта? Дзе, у якім законе напісана, што вы маеце права штрафаваць людзей?»

Таксама выклікала абурэнне тое, што «ўжо сілай, каленам на грудзі прымушаюць вакцынавацца». Хоць гэта відавочная гіпербала.

Кіраўніку МУС Івану Кубракову былі зададзены непрыемныя рытарычныя пытанні: «Вам што, няма чым займацца? Вы чаму закон парушаеце? У нас няма закону такога. Вы каму падыгрываеце?»

Між тым восенню мінулага года Лукашэнка сам заявіў пракурорам, што ў сітуацыі падаўлення пратэстаў «часам не да законаў». І сілавікі выкарыстоўвалі гэты карт-бланш напоўніцу. Можна сабе ўявіць, якія здзіўленыя думкі раяцца цяпер у галовах пад фуражкамі (ды і пад капелюшамі цывільных вертыкальшчыкаў).

Хоць сапраўды Лукашэнка заўсёды думае пра пагрозы сваёй уладзе. Ён падкрэсліў, што, распаўсюджваючы фэйкі і чуткі пра сітуацыю ў Беларусі, супраціўнікі дзяржавы з-за мяжы хочуць ускалыхнуць краіну.

Але праблема не ў тым, што шчыруюць «ворагі». Праблема - у нізкім даверы грамадзян да ўладаў: занадта часта іх лавілі і ловяць на, мякка кажучы, няшчырасці. Мяркуючы з сацыяльных сетак, бытавых размоў, афіцыйную статыстыку пра Ковід многія лічаць вельмі заніжанай.

Фактычна, менавіта недавер да афіцыйных лічбаў па выніках прэзідэнцкіх выбараў і вывеў людзей на вуліцы летась у жніўні.