Лекары рэкамендавалі шпіталізаваць Саакашвілі

Палітык трымае ў турме галадоўку.

Лекары рэкамендавалі шпіталізаваць экс-прэзідэнта Грузіі Міхаіла Саакашвілі, які трымае галадоўку ў турме. Пра гэта ў аўторак, 19 кастрычніка, паведаміў «Интерфакс».

Пасля агляду Саакашвілі кансіліумам яму рэкамендавана перайсці ў клініку для інтэнсіўнага назірання. Мы далі рэкамендацыю шпіталізацыі, каб пазбегнуць ускладнення стану здароўя Саакашвілі, што можа ў любы момант пагоршыцца», - заявіў журналістам сябра спецыяльна створанай групы медыкаў Зураб Пагава.

Агляд праводзілі шэсць лекараў. Рашэнне аб пераводзе Саакашвілі з турмы ў клініку павінны прыняць міністр юстыцыі, міністр аховы здароўя і дэпутаты парламента.