У рэжыму сур'ёзныя праблемы з грашыма

Падаткавікі прыходзяць да беларусаў і патрабуюць абгрунтаваць даходы.

Падатковыя органы Беларусі з пачатку года выявілі больш за 1,8 тысяч чалавек, якія жывуць не па сродках, паведамляе БелТА са слоў намесніка кіраўніка МПЗ Ігара Скрыннікава. Характэрна, што паводле вынікаў паўгоддзя гэтая колькасць была на тысячу менш. Знойдзеныя сумы таксама ўзраслі - амаль удвая.

Скрыннікаў тлумачыць: кантралююць у першую чаргу тыя катэгорыі грамадзян, якія маюць высокія рызыкі ўтойвання прыбытку. Такімі назваў кіраўнікоў, заснавальнікаў, работнікаў арганізацый з нізкім заробкам. Кантроль заключаецца ў параўнанні даходаў з выдаткамі. Калі чалавек не можа абгрунтаваць легальнасць даходаў, якія выдаткаваныя на маёмасць і іншыя асабістыя патрэбы, то сума перавышэння выдаткаў над даходамі абкладаецца падаходным падаткам паводле стаўкі 16%.

- За 9 месяцаў гэтага года падатковымі органамі праведзены аналіз даходаў і выдаткаў маёмаснага становішча больш за 14,5 тысячы фізічных асоб, - кажа Скрыннікаў. - Паводле вынікаў у 5,5 тысячы грамадзян, чые выдаткі значна перавышалі атрыманыя даходы, запатрабаваны дэкларацыі аб даходах. Паводле выніках праверак больш за 1,8 тысячы грамадзян не змаглі зацвердзіць легальнасць паходжання даходаў, у сувязі з чым ім выстаўленыя да выплаты 6,2 млн рублёў.

Дынаміка даволі высокая. Раней МПЗ апублікавала звесткі за першае паўгоддзе (цяпер - за 9 месяцаў). З іх вынікала, што знойдзена 812 чалавек, у якіх даходы і выдаткі не «скакалі». Тады да выплаты выставілі 3,5 млн рублёў.