Сенат Чэхіі можа прагаласаваць у пытанні пазбаўлення паўнамоцтваў прэзідэнта краіны
- 19.10.2021, 15:46
- 1,536
Гэта звязанае са здароўем Мілаша Зэмана.
Сенат Чэхіі ўжо 5 лістапада можа правесці галасаванне наконт пазбаўлення паўнамоцтваў прэзідэнта краіны Мілаша Зэмана. Гэта звязанае з ягоным станам здароўя. Зэман шпіталізаваны.
Лекары не абнародуюць дыягназ, спасылаючыся на неабходнасць згоды самога прэзідэнта. Зэману 77 гадоў.
Зэмана тэрмінова шпіталізавалі на наступны дзень пасля выбараў 8-9 кастрычніка, на якіх ягоны хаўруснік, прэм'ер-міністр Андрэй Бабіш саступіў групе апазіцыйных партый. Яны атрымалі большасць месцаў у ніжняй палаце і імкнуцца сфармаваць новы ўрад.