Новы зліў кібер-партызан: высокапастаўлены чыноўнік Міністэрства аховы здароўя прагаварыўся аб рэальнай сітуацыі з каранавірусам у Беларусі
20- 19.10.2021, 14:57
- 74,574
Лічбы шакавальна разыходзяцца з афіцыйнай статыстыкай.
Беларускія кібер-партызаны апублікавалі зліў тэлефоннай размовы аднаго з начальнікаў управы аховы здароўя Мінаблвыканкама з ягонай маці.
«Сябры, на гэты раз наш кібер-зліў закране сітуацыю з каранавірусам у Беларусі. Вы пачуеце размова Зіновія Гозмана, першага намесніка начальніка галоўнай управы аховы здароўя Менаблвыканкама, з ягонай мамай.
Аўдыёзапіс зроблены 6 мая 2021 года.
У гэтай гутарцы Гозман паведамляе маці, што ў РБ паказчык захворвання - 90 чалавек на 100 тысяч насельніцтва. Гэтыя лічбы ніяк не сыходзяцца з афіцыйнай статыстыкай Міністэрства аховы здароўя.
Нагадваем, што раней мы ўжо публікавалі рэальныя звесткі пра смяротнасць ад Covid-19, якія таксама моцна разыходзяцца са статыстыкай Міністэрства аховы здароўя. Нам хлусілі і працягваюць хлусіць, хаваючы нядбалае стаўленне рэжыму да чалавечых жыццяў», - пішуць кібер-партызаны.
У такіх умовах кожнаму з нас важна праявіць свядомасць і выконваць меры супраць распаўсюджвання захворвання.
Насіце маску, трымайце дыстанцыю, рэгулярна мыйце рукі. Беражыце сваё здароўе.