Дальнабойнік пратараніў пост аховы ў Менску
7- 18.10.2021, 17:48
- 16,476
Кіроўца цяжкавіка выпіў паўбутэлькі гарэлкі.
Як паведамілі ў ДАІ Менска, напярэдадні вечарам на лінію 102 паступіла паведамленне аб ДТЗ з удзелам грузавога аўтамабіля маркі DAF. Аварыя адбылася ў двары дома №9 на Бетонным праездзе. На паказаны адрас выбылі інспектары ДПС аддзела ДАІ Маскоўскага раёна, піша «Онлайнер».
Выявілася, што 47-гадовы кіроўца грузавіка, не здолеўшы разлічыць траекторыю, пры развароце рэзнуўся ў пост аховы.
«На шчасце, у ДТЗ ніхто не пацярпеў. Мужчыну даставілі на агляд, дзе выявілі 2,54 праміле алкаголю ў парах выдыхнутага паветра. Дальнабойнік растлумачыў, што выпіў пасля аварыі 250 грамаў гарэлкі», - паведамілі ў Дзяржаўтаінспекцыі.
На гэты момант грузавік змешчаны на ахоўную стаянку, у дачыненні да кіроўцы складзены адміністрацыйныя пратаколы за ўчыненае ДТЗ і ўжыванне спіртных напояў пасля дарожна-транспартнага здарэння.