Tesla амаль дасягнула гадавой мэты Ілана Маска ў продажах электракараў

Гадавыя пастаўкі кампаніі выраслі на 36% у параўнанні з 2019 годам.

Вытворца электракара Tesla ў 2020 годзе паставіў 499 550 аўтамабіляў. Кампанія амаль дасягнула мэты ў 500 000, пастаўленай яе заснавальнікам Іланам Маскам, гаворыцца ў прэс-рэлізе Tesla.

Гадавыя пастаўкі кампаніі выраслі на 36% у параўнанні з 2019 годам. У чацвёртым квартале 2020 года Tesla паставіла рэкордныя 180 570 аўтамабіляў. Гэта перасягнула чаканні біржы Уол-стрыт у 174 000 электракараў.

Паводле звестак FT, у канца 2020 года Tesla працавала на поўную магутнасць. Продажы выраслі за кошт нарошчвання вытворчасці на новым заводзе ў Шанхаі і запуску новага красовера Model Y.

«Вельмі ганаруся камандай Tesla за дасягненне гэтай важнай вехі! У пачатку Tesla я думаў, што ўвогуле ў нас шанец выжыць 10% (аптымістычна)», - адрэагаваў на паказчыкі кампаніі Ілан Маск у Twitter.