Кіраўнік штабоў Навальнага ацаніў колькасць удзельнікаў пратэстаў па ўсёй Расеі ў 250-300 тысяч чалавек
2- 24.01.2021, 21:39
- 13,421
Пратэсты прайшлі ў 66 гарадах Расеі.
Паводле звестак сеткі штабоў расейскага апазіцыянера Аляксея Навальнага, колькасць удзельнікаў пратэстнай акцыі ва ўсіх расейскіх гарадах у суботу, 23 склала мінімум 250 тысяч.
Пра гэта паведамляюць Открытые медиа.
«Мінімум - 250 тысяч, а хутчэй - дзесьці 300 тысяч», - сказаў кіраўнік сеткі Леанід Волкаў.
Паводле звестак штаба, колькасць пратэстоўцаў амаль ніколі не ўдаецца падлічыць дакладна. Напрыклад, па Маскве ёсць некалькі адзнак і ў іх вялікая розніца.
Агенцтва Reuters паведамляла пра 40 тысячах пратэстоўцаў, у ГУ МУС Масквы маштаб пратэсту ацанілі для РБК у 4 тысячы чалавек. Акрамя таго, ацэнка па Маскве каардынатара праекта Белы лічыльнік Дзмітрыя Несцерава - больш за 20 тысяч.
У 66 гарадах Расеі ў суботу, 23 студзеня, прайшлі масавыя шэсці ў падтрымку апазіцыйнага палітыка Аляксея Навальнага. Больш за 100 тысяч чалавек выйшлі на пратэстныя акцыі па ўсёй краіне. Рэкордныя 3200 чалавек былі затрыманыя.
17 студзеня Навальнага затрымалі пры праходжанні памежнага кантролю ў маскоўскім аэрапорце Шарамеццева. Палітык вярнуўся ў Расею з Нямеччыны, дзе лячыўся і аднаўляўся ад наступстваў атручвання нервова-паралітычным рэчывам Навічок.