Паплечнік Навальнага пра акцыі пратэсту: Улады ў РФ сапраўды напалоханыя

Адзінае сталае ў гісторыі - гэта перамены.

Выканаўчы дырэктар Фонду барацьбы з карупцыяй (ФБК) Уладзімір Ашуркоў уважае, што ўзровень прысутнасці сілавікоў на акцыях 23 студзеня ў падтрымку апазіцыянера Аляксея Навальнага кажа пра тое, што расейскія ўлады «сапраўды напалоханыя». Такое меркаванне Ашуркоў выказаў у нядзелю, 24 студзеня, у гутарцы с DW.

«Думаю, іх дзеянні гавораць за сябе больш, чым было сказана», - заявіў Ашуркоў. «Узровень прысутнасці сілавых службаў на вуліцах Масквы, гарадоў па ўсёй Расеі, жорсткасць паліцыі, інфармацыйная кампанія, якую яны развязваюць супраць Навальнага, супраць людзей, якія выходзяць на гэты пратэст - думаю, гэта кажа за сябе», - адзначыў ён. «Яны (улады РФ. - Рэд.) сапраўды напалоханыя», - думае паплечнік Аляксея Навальнага.

Уладзімір Ашуркоў таксама пракаментаваў, якімі ён бачыць магчымыя наступствы цяперашніх масавых пратэстных акцый у Расеі. «Думаю, гісторыя - гэта працэс. Ні ў каго няма крыштальнага шара, каб прадказаць, што адбудзецца», - сказаў ён. «Але таксама адзінае пастаяннае ў гісторыі - гэта перамены, і сістэма аўтарытарнага рэжыму, карупцыі і хлусні, якая была створаная ў Расеі за апошнія 20 гадоў Пуціным і яго сябрукамі, безумоўна, скончыцца», - думае Ашуркоў.

Рэкордная колькасць затрыманняў

У Расеі паводле вынікаў масавых пратэстаў супраць арышту вядомага апазіцыянера Аляксея Навальнага колькасць затрыманых на 16.40 паводле Менску 24 студзеня складала 3564, паведаміў праваабарончы партал « ОВД-Инфо». Гэта - рэкордная колькасць за ўвесь час правядзення пратэстных мерапрыемстваў у сучаснай гісторыі Расеі. Напярэдадні яны праходзілі больш чым у 120 гарадах РФ і звыш чым у 70 - за мяжой. Паводле ацэнак агенцтва Reuters, на несанкцыянаваную акцыю ў адной толькі Маскве сабралася да 40 тысяч пратэстоўцаў. Галоўнае ўпраўленне МУС па горадзе на сярэдзіну дня 23 студзеня кажучы пра Пушкінскую плошчу Масквы, прыводзіла лічбу прыкладна ў 4000 чалавек. Прэс-сакратар прэзідэнта РФ Дзмітрый Пяскоў, каментуючы акцыі, што прайшлі 24 студзеня, заявіў, што на іх «выйшла мала людзей».

На пастанову Мінюста Расеі ФБК уключаны ў «рэестр некамерцыйных арганізацый, якія выконваюць функцыі замежнага агента». Дырэктар фонду Іван Жданаў падкрэсліваў, што «ФБК фінансуецца выключна грамадзянамі Расейскай Федэрацыі». «Ніякага замежнага фінансавання фонд ніколі не атрымліваў», - указваў Жданаў. У сваю чаргу Навальны называў уключэнне ФБК у рэестр «абсалютна незаконным». У ліпені 2020 года расейскі апазіцыянер заявіў пра ліквідацыю ФБК праз велізарныя штрафы, накладзеныя судом на пазоў кампаніі «Маскоўскі школьнік», і адкрыццё іншай некамерцыйнай арганізацыі, якая павінна была стаць новай юрасобай ліквідаванай ФБК.