Новы кіраўнік Пентагона пацвердзіў Японіі гатоўнасць абараняць спрэчныя выспы
1- 24.01.2021, 16:30
- 13,686
ЗША будуць рэагаваць на ўсе спробы змяніць статус-кво ва Усходне-Кітайскім моры.
Новы кіраўнік Пентагона Лойд Осцін у тэлефоннай размове з міністрам абароны Японіі Набуа Кісі пацвердзіў гатоўнасць ЗША абараняць выспы Сенкаку ва Усходне-Кітайскім мора, якія аспрэчваюцца Кітаем, паведамляе РІА «Новости».
«Міністр Осцін пацвердзіў, што артыкул 5 Дамовы ЗША і Японіі аб бяспецы ўключае выспы Сенкаку і што ЗША супраць усякіх аднабаковых спробаў змяніць статус-кво ва Усходне-Кітайскім моры», - гаворыцца ў паведамленні Пентагона.
Акрамя таго, бакі абмеркавалі перабазаванне амерыканскіх сіл на тэрыторыі Японіі, бяспеку ў Інда-Ціхаакіянскім рэгіёне, праблему пандэміі каранавіруса, а таксама пытанне КНДР.
Кісі павіншаваў Осціна з прызначэннем на пасаду кіраўніка Пентагона.