Медыкі расказалі, як захаваць энэргію арганізма ў зімовы перыяд

Гэты час года патрабуе асаблівых правілаў.

Нястача сонечнага святла, якую мы адчуваем у самы цёмны час года, можа ўплываць не толькі на наш настрой і ўзровень энэргіі, але і на здароўе. Сонечнае святло неабходнае для нашага абмену рэчываў, а таксама для нармальнай выпрацоўкі важнага гармону мелатаніну. Як справіцца з самым цёмным перыядам жыцця? Паспрабуйце гэтыя простыя парады медыкаў, піша healthinfo.ua.

Рабіце зарадку

Прычым лепш за ўсё на свежым паветры: на вуліцы ці прынамсі на лоджыі. Калі няма магчымасці выйсці з памяшкання, паклапаціцеся пра тое, каб пакой быў добра выветраны. Ранішняя трэніроўка карысная ў любы сезон, але ў цёмны час года яна дасць вам дадатковую энэргію, а таксама прастымулюе ваш метабалізм, які звычайна запавольваецца зімой і восенню.

Спіце правільна

Добры начны адпачынак становіцца асабліва важны ў перыяд, калі мала сонечнага святла і няма адкуль браць дадатковую энэргію. Паклапаціцеся пра тое, каб класціся і ўставаць у адзін і той час, прыбярыце з спальні ўсе гаджэты (даказана, што большасць з іх дрэнна ўплывае на якасці сну), а таксама завядзіце расслабляльныя рытуалы – напрыклад, чытанне або вядзенне дзённіка (толькі асадка і папера, ніякіх ноўтбукаў!).

Шпацыруйце ў абедзенны перапынак

Невялікі шпацыр падчас абедзеннага перапынку, па-першае, дазволіць вам «ухапіць» крыху дзённага святла, якога катастрафічна мала ў гэты час года, а, па-другое, дадасць трохі актыўнасці да вашага ладу жыцця: усяго 20 хвілінаў за дзень – і да суботы вы ўжо атрымліваеце тыднёвую норму аэробнай фізічнай актыўнасці. Суцэльныя плюсы!

Павесьце шчыльныя шторы

Не ва ўсіх пакоях, але ў спальні – абавязкова. Чым цямней у пакоі, тым мацнейшы ваш сон, тым прасцей вашаму арганізму выпрацоўваць мелатанін і тым лепш вы ў выніку адпачываеце. Найлепшае, што вы можаце зрабіць у цёмны час года – моцна і салодка спаць ноччу – каб выкарыстаць кароткі дзень на поўную катушку.

Правільна выбірайце верхнюю вопратку

У цёмнай вопратцы вы нябачныя для кіроўцаў аўтамабіляў. І яркае адзенне, з святлоадбівальнымі элементамі, можа ў літаральным сэнсе выратаваць ваша жыццё. Выбіраючы верхнюю вопратку для зімы і восені, аддавайце перавагу мадэлям яркай расфарбоўкі і абавязкова, абавязкова павесьце святлоадбівальныя элементы на рукавы і торбу ці заплечнік.