«МБХ медыя»: У акцыях у падтрымку Навальнага па ўсёй РФ узялі ўдзел мінімум 110 тысяч чалавек

Больш за ўсё людзей выйшла на вуліцы ў Маскве, Санкт-Пецярбургу і Екацярынбургу.

У акцыях у падтрымку апазіцыйнага палітыка Аляксея Навальнага, якія сёння праходзяць па ўсёй Расеі, узялі ўдзел як мінімум 110 тысяч чалавек, падлічыла «МБХ медыя» на аснове звестак карэспандэнтаў і суразмоўцаў у рэгіёнах.

Больш за ўсё людзей выйшла на вуліцы ў Маскве, Санкт-Пецярбургу і Екацярынбургу. У Маскве, з падлікаў карэспандэнта, на Пушкінскай плошчы і ў ваколіцах знаходзіцца як мінімум 10 тысяч чалавек. Пры гэтым Reuters ацэньвае колькасць тых, хто сабраўся як мінімум на 40 тысяч. У Пецярбургу, з розных ацэнках, на шпацыр выйшлі ад 10 да 20 тысяч чалавек. У Екацярынбургу карэспандэнт «МБХ медыя» ацаніў колькасць пратэстоўцаў на 5 тысяч чалавек. У штабе Навальнага назвалі лічбу 15 тысяч.

Пры падліку мы выкарыстоўвалі мінімальныя ацэнкі. Калі зыходзіць з максімальных адзнак колькасці удзельнікаў у Маскве, Пецярбургу і Екацярынбургу, колькасць удзельнікаў акцый пратэсту ў Расеі перавысіць 160 тысяч чалавек.

Тысячы людзей выйшлі на вуліцы гарадоў Далёкага Усходу і Сібіры. Ва Уладзівастоку – 3 500 чалавек, у Хабараўску – 1 000, у Іркуцку – 3 000, у Новасібірску – 4 000, у Краснаярску – 2 500, у Томску – 3 000, у Кемераве – 1 500.

У Цюмені падтрымаць Навальнага прыйшлі 1 500 чалавек, ва Уфе - 2500, у Чэлябінску – 5 000, у Самары – 3 000, у Архангельску – 3 000. Акцыі прайшлі практычна ва ўсіх гарадах, у якіх яны былі запланаваны.

Менш за ўсё людзей выйшла на вуліцы Ёшкар-Алы (200 чалавек), Махачкалы (200 чалавек) і Анапы (200 чалавек). У Геленджыку, які знаходзіцца побач з палацам Пуціна, на акцыю прыйшлі таксама амаль 200 чалавек.

Паводле апошніх актуальных звестак «АУС-Інфа», па ўсёй Расеі затрымалі больш за 1 300 чалавек, у тым ліку як мінімум 18 журналістаў.