Чым і як вымераць у памяшканні ступень магчымага заражэння Covid-19

Парады вядомага доктара.

Вядомы доктар Яўген Камароўскі падзяліўся метадам вымярэння ступені пагрозы заражэння каранавірусам у памяшканні. Пра гэта ён распавёў у сваім відэа, апублікаваным на YouTube-канале, піша «Апостроф».

З ягоных слоў, гэта можна зрабіць з дапамогай прыбора вымярэння вуглякіслага газу. Датчык CO2 можна павесіць на сцяну ў кожным памяшканні - дома ці на працы. Пры павелічэнні ўзроўню вуглякіслага газу таксама можна адчуваць дрымотнасць, стамляльнасць.

Узровень CO2 вымяраецца ў мільённых долях (ppm - parts per million). Якія нормы ўзроўню вуглякіслага газу:

- на вуліцы ў паветры прыкладна 400 ppm;

- у памяшканнях ідэальны паказчык да 600;

- да 800 ppm - нармальна;

- да 1000 ppm - сярэдні (трэба вентыляваць);

- пасля 1500 ppm - лепш не заходзіць;

- пасля 2-3 тысяч ppm уплывае на парушэнні здароўя.

Змяшчэнне вуглякіслага газу (CO2) у паветры - найважнейшы паказчык яго якасці, улічваючы, што галоўнай крыніцай CO2 з'яўляецца чалавечае дыханне.

Паветра, якое выдыхаюць людзі, змяшчае вуглякіслы газ, які не мае колеру і паху - небяспечнае газападобнае злучэнне вугляроду і кіслароду, якое пры высокіх канцэнтрацыях нават смяротнае для здароўя.

Калі канцэнтрацыя CO2 у паветры, якім мы дыхаем, перавышае 150 000 ppm, мы страцім прытомнасць.