Літва рыхтуе санкцыі супраць лукашэнкаўскіх сілавікоў і суддзяў

На думку кіраўніка МЗС краіны, гэта стане «вельмі моцным сігналам».

Літва прапануе пашырыць санкцыйныя спісы ў дачыненні да Беларусі. Пра гэта заявіў «Радыё Свабода» міністр замежных спраў Літвы Габрыэлюс Ландсбергіс.

На ягоную думку, «гэта было б вельмі моцным сігналам, што ў Еўропе пад санкцыі трапляюць не толькі вядучыя палітыкі, якія прымаюць самыя важныя пастановы, але і тыя, хто сапраўды прычыняе шкоду людзям на вуліцах, хто іх збівае, парушае іх правы, занявольвае іх, пазбаўляе іх правоў».

Са слоў кіраўніка літоўскага МЗС, цяпер Літва працуе над пакетамі сведчанняў пра такія групы людзей з Беларусі.