У ЗША патлумачылі няздольнасць Расеі пабудаваць авіяносец
43- 23.01.2021, 11:31
- 20,364
Названая галоўная праблема расейскай суднабудаўнічай галіны.
Расейскія верфі дагэтуль не акрыялі ад постсавецкага калапсу, у выніку чаго сучасная Расея будуе не вялікія караблі, а значна меншыя фрэгаты і карветы, а таксама падводныя лодкі. Прычыны няздольнасці Масквы пабудаваць авіяносец патлумачылі ў артыкуле, апублікаваным у Forbes (пераклад - lenta.ru).
На думку вайсковага экспэрта Паўла Лузіна, з якім пагаварыў амерыканскі часопіс, галоўная праблема расейскай суднабудаўнічай галіны заключаецца ў адсутнасці патрэбных рухавікоў. «Расейская прамысловасць дагэтуль не можа вырабляць рухавікі, досыць магутныя і эфектыўныя для гэтых тыпаў караблёў», - уважае спецыяліст.
Выданне адзначае, што Расея не можа купіць неабходныя сілавыя агрэгаты ў заходніх краін праз санкцыі.
«Новы авіяносец, магчыма, расейская прамысловасць пабудаваць не ў сілах», - мяркуе часопіс.
Такім чынам Forbes пракаментаваў студзеньскае паведамленне ТАСС, прысвечанае праектам Неўскага праектна-канструктарскага бюро (ПКБ), між іншым універсальнаму марскому караблю (УМК) «Варай», які здольны змясціць 24 шматмэтавыя самалёты, шэсць гелікаптэраў і да 20 беспілотных лятальных апаратаў. Выданне адзначыла, што ў Расеі няма сродкаў на рэалізацыю гэтага праекта, а таксама патрэбных беспілотнікаў.
«Неўскае [ПКБ] марыць уголас», - піша часопіс.