Шмат аховы і сабакі: што знайшлі ў палацы Пуціна краснадарскія актывісты

Удзельнікі руху «Экалагічная вахта на Паўночным Каўказе» праніклі на тэрыторыю комплексу.

«Палац Пуціна», які паказаў у сваім расследаванні Аляксей Навальны, ужо даўно пад увагай актывістаў і СМІ. Між іншым, ужо шмат гадоў з забудовай тэрыторыі змагаліся актывісты арганізацыі «Экалагічная вахта па Паўночным Каўказе».

Некалькі гадоў таму, у 2017 годзе, на кіраўніка гэтай арганізацыі Андрэя Рудамаху напалі невядомыя і моцна збілі яго, фатаграфіі актывіста пасля нападу Навальны таксама выкарыстаў у сваім фільме.

Рудамаха распавёў «Настоящему Времени», як актывісты правяралі забудову, яшчэ калі яна не стала вядомай па ўсёй Расеі, і як яны спрабавалі даведацца, што там адбываецца, разам з крамлёўскімі чыноўнікамі і адміністрацыяй краю.

- І гэта была нечаканасцю тое, што вы апынуліся ў расследаванні ў Аляксея Навальнага? Як вы на гэта адрэагавалі?

- Так, для мяне гэта было нечаканасцю, таму што ніхто мяне не пытаўся перад расследаваннем. Яны проста выкарысталі агульнадаступную інфармацыю пра гэты факт, які меў месца быць.

- Вы можаце ўспомніць тую інспекцыю, пра якую гаворыцца ў фільме? Як вы даведаліся пра незаконную высечку дрэў?

- Мы сістэматычна правяраем сітуацыю на ўзбярэжжы ў землях ляснога фонду. І на здымках з космасу я ўбачыў, што ў раёне мяжы з'явілася вялікая лысіна - высечаныя некалькі ўчасткаў. У першы раз мы былі там у пачатку снежня 2017 года - ездзілі туды па іншых пытаннях. І канцы інспекцыі туды забеглі. Я здзівіўся, там лясны фонд, тэрыторыя абгароджана плотам. Мы зацікавіліся і потым паехалі туды спецыяльна - гэта было ўжо ў канцы снежня. Гэта абследаванне нас яшчэ больш здзівіла, вядома, таму што там не толькі лясны фонд, там унутры былі прывязаныя сабакі. Аднаго нашага актывіста падчас гэтага абследавання затрымалі, але тым не менш мы тады [праніклі] падпольна, замаскіраваліся, мы бачылі, што там сур'ёзная ахова. У першы раз мы былі ў пачатку снежня ў нядзелю і на ахову не натыкнуліся. А цяпер мы ўбачылі, што там усё сур'ёзна ахоўваецца.

Мы з'ехалі адтуль, а калі вярнуліся, нас каля дома, дзе я тады жыў, чакалі. Быў напад, ён быў засняты на відэакамеру, была маса доказаў, але прайшло ўжо тры гады, і дагэтуль крымінальная справа топчацца на месцы, і асоб, якія напалі, не могуць знайсці. Хоць, я думаю, яны выдатна вядомыя следству - хто яны і што яны.

23 студзеня з 12:00 мск «Настоящее Время», вядзе жывую трансляцыю з розных расейскіх гарадоў, а таксама абмяркоўвае ў жывым эфіры з экспэртамі і палітыкамі перспектывы пратэстаў і самой справы супраць Навальнага:

- Вы ведалі, што акрамя вырубкі дрэваў там адбываецца маштабнае будаўніцтва?

- Яно толькі пачыналася, там пачыналася заліванне падмурка. Мы праз некалькі месяцаў там былі са старшынёй СПЧ Міхаілам Фядотавым. Гэтая сітуацыя атрымала шырокую агалоску. Мы патрапілі на тэрыторыю, дзе была будоўля, усе гэтыя аб'екты наведалі. За гэтыя тры месяцы там быў вялікі прагрэс у параўнанні з тым, што было зімой. Цяпер там наогул ужо ўзведзеныя будынкі. То бок, усе працягнулася.

- Я правільна разумею, што гэтая будоўля незаконная?

- На той момант была незаконная, таму што не было ніякіх дакументаў, не было дазволу на будаўніцтва. Калі Фядотаў туды прыехаў і пытаўся ў намесніка міністра, у розных чыноўнікаў: «На якой падставе вядзецца гэтая будоўля?» - тыя проста губляліся. А начальнік будоўлі не мог адказаць, як называецца арганізацыя, якая вядзе будаўніцтва. Гэта значыць будоўля была абсалютна незаконнай, і гэта было цалкам відавочна. Мы напісалі масу лістоў па гэтым пытанні, але ўсё безвынікова.