Якія курсы даляра і еўра ўстанавілі абменнікі ў Беларусі пад канец працоўнага тыдня
- 22.01.2021, 11:30
- 12,014
Дзе сёння больш выгадна купляць валюту?
На старце таргоў на Беларускай валютна-фондавай біржы даляр вырас на 0,38% - да 2,5469 рубля, еўра ўмацаваўся на 0,55% - да 3,0967 рубля, а расейскі рубель знізіўся на 0,88% - да 3, 4291 рубля за 100 расейскіх рублёў. Звесткі на 10.15, паведамляе tut.by.
Вышэй за ўсё курс продажу банкамі даляра - 2,59 рубля (Банк БелВЭБ), а ніжэй за ўсё - 2,548 рубля (Абсалютбанк).
Удакладнім, што ў розных абменніках аднаго банка могуць адрознівацца курсы валют.
Больш выгадна здаваць амерыканскую валюту ў Абсалютбанку, Беларускім народным банку, БСБ Банку, Paritetbank - 2,542 рубля.
Курс продажу банкамі еўра вышэйшы за ўсё ў БСБ Банку - 3,14 рубля, а ніжэйшы за ўсё - у МТБанку - 3,096 рубля.
Еўра выгадна здаваць у БСБ Банку - 3,091 рубля.