У Менску сёння зноў - камунальныя НЗ

Патопы ў менскіх пад'ездах і гарачая рака на Ясеніна.

Сёння ў Менску быў патоп адразу ў некалькіх пад'ездах, а на вуліцы Ясеніна цякла гарачая рака. Tut.by распавядае, якая камунальная бязладзіца здарылася ў горадзе ўсяго за адзін дзень.

«Рака кіпеню» на Ясеніна

А 18-й увечары 21 студзеня чытачы паведамілі пра «раку кіпеню» на вуліцы Ясеніна, каля дома 76.

- Тэрыторыю трохі абгарадзілі, але вельмі складана неяк абысці гэтую бяду. Усё ў тумане, пад нагамі бруд. На месцы працуе аварыйная, больш за дзясятак працоўных руйнуюць ходнік, нешта капаюць. У доме насупраць ёсць і гарачая, і халодная вада, - распавялі відавочцы.

Бліжэй да канца працоўнага дня здарыўся і патоп у пад'ездзе дома па адрасе вуліца Брэсцкая 68/2.

- Цяжка сказаць, адкуль менавіта льецца вада, але відавочна, што з дзявятага паверха. На дзявятым стаіць пара, але вады там няма, - распавёў жыхар дома. - Выклікалі прадстаўнікоў ЖЭС, чакаем.

Крыху пазней мясцовыя паведамілі, што выцек у пад'ездзе спынілі.

Днём рэкі цяклі ў шматпавярхоўцы па Мірашнічэнка, 11.

У мясцовым ЖЭУ ўдакладнялі, што выцек ліквідавалі. На ацяпленне ў доме сітуацыя не паўплывала.

Акрамя таго, раніцай чытачы паведамлялі пра фантан з часовай трубы каля дома па адрасе Карастаянавай, 17. У шматпавярхоўцы ў той жа час знікала халодная вада.

Прарывала трубу і ў пад'ездзе на Куйбышава, 55. Па абодвух адрасах аварыі ліквідавалі.

Акрамя таго, тэлеграм-канал выдання «Наша Ніва» паведамляў пра патоп у адным з дамоў на вуліцы Пуліхава.

Нагадаем, на пачатку тыдня, 18 студзеня, у Сцепянцы праз пашкоджанне трубаправода адну з вуліц засцілала пара, а па дарозе цякла гарачая вада.