Навукоўцы выявілі ўтоеную піраміду ўнутры культавага збудавання мая
1- 20.01.2021, 15:10
- 18,332
Археолагі раскрылі таямніцу храма Кукулькана.
У мексіканскім штаце Юкатан, унутры культавага збудавання мая Эль-Касціла, таксама вядомага як Храм Кукулькана, археолагі знайшлі другую «ўтоеную піраміду».
Пра гэта піша Express.
Старажытныя мая налічваюць больш за 4000 гадоў і славяцца сваёй архітэктурай, матэматыкай і астранамічнымі вераваннямі. Многія з іх уражальных пабудоў дагэтуль стаяць у джунглях паўднёва-ўсходняй Мексікі, Гватэмалы, Беліза і заходніх частак Гандураса.
Доступ у Кукулькан быў спынены ў 2006 годзе. Але даследчык пад нікам Anyextee здолеў зазірнуць унутр.
«Унутры ёсць схаваныя камеры - не адна, а дзве скрытыя канструкцыі ўнутры - як расейская матрошка», - распавёў ён.
Пабудаваная цывілізацыяй мая дзесьці паміж восьмым і дванаццатым стагоддзямі, піраміда служыла храмам бажаству Кукулькану. Ён мае пад сабой структуру, якая, імаверна, была пабудаваная некалькімі стагоддзямі раней.
Піраміда складаецца з шэрагу квадратных тэрас з лесвіцамі, якія вядуць на кожны з чатырох бакоў храма на вяршыні. Скульптуры змей спускаюцца па баках паўночнай балюстрады.
У перыяд вясновага і восеньскага раўнадзенства вячэрняе Сонца падае на паўночна-заходні кут піраміды і адкідвае серыю трохкутных ценяў на паўночна-заходнюю балюстраду, ствараючы ілюзію змяі, «якая паўзе» па пірамідзе.