Прыток замежных інвестыцый у Расею ўпаў да мінімуму за 26 гадоў

Замежныя інвестары ўклалі ў расейскую эканоміку толькі $1,4 мільярда.

Расейская эканоміка працягвае страчваць прывабнасць у вачах буйнога транснацыянальнага бізнэсу па меры таго, як спажыўцы бяднеюць, а ўлада працягвае санкцыйную вайну з Захадам, піша finanz.ru.

Замежныя інвестары ўклалі ў рэальны сектар эканомікі толькі 1,4 млрд даляраў супраць 28,9 млрд годам раней.

Зафіксаваны ЦБ прыток стаў мінімальным з 1994 года, заўважае экс-галоўны эканаміст Nordea у Расеі Таццяна Еўдакімава. Нават пасля дэфолту 1998 года, глабальнага крызісу ў 2008-09 гг і анэксіі Крыма ў 2014-м замежны бізнэс укладваў у рэальны сектар РФ больш: 2,5, 64,8 і 17,6 млрд даляраў адпаведна.

Чысты баланс прамых інвестыцый і зусім быў адмоўным: расейскія рэзідэнты ўклалі ў замежныя кампаніі 6,3 мільярда даляраў - у чатыры разы больш, чым эканоміка атрымала ад замежнікаў.

Як вынік: у 2020 годзе Расея зафіксавала чысты адток ПЗІ на 4,8 млрд даляраў, які амаль цалкам нівеляваў прыток папярэдняга года (6,3 млрд даляраў).

Расейская эканоміка працягвае пакутаваць ад нізкай якасці дзяржаўных інстытутаў, пішуць аналітыкі міжнароднага рэйтынгавага агенцтва S&P.

Застарэлыя праблемы - такія, як «недастатковая незалежнасць судовай сістэмы» і «выбіральнасць правапрымянення», - могуць праз рэформы Канстытуцыі: яна абяцае «далейшае паслабленне сістэмы стрымак і проціваг», узмацненне ролі дзяржсектара і зніжэнне канкурэнцыі, мяркуюць у S&P.

У гэтых умовах Расея працягне страчваць замежных інвестараў: чысты адток ПЗІ складзе 0,8% ВУП ў 2021 годзе, 0,7% ВУП - у 2022-м і па 0,6% у 2023-24 гг, прагназуе агенцтва.

Следам за прамымі інвестарамі грошы з Расеі паскорана эвакуююць партфельныя кіраўнікі, прычым у яшчэ большым маштабе, вынікае са статыстыкі ЦБ РФ.

У 2020 годзе нерэзідэнты працягнулі купляць расейскія дзяржаўныя аблігацыі, хоць прыток і скараціўся больш як у 5 разоў - 4,1 млрд даляраў супраць 22,2 млрд.

Аднак усе іншыя сегменты фінансавага рынку перажылі зыход замежнікаў, распрадаюцца каштоўныя паперы на 14,1 млрд даляраў.

За мяжу накіраваліся і расейскія інвестары, якія набылі за год замежных каштоўных папер на 10,2 млрд даляраў - амаль у 5 разоў больш, чым годам раней.

Як вынік: эканоміка перажыла чысты адток прыватнага капіталу на суму 47,8 млрд даляраў. У параўнанні з 2019 годам хуткасць вывазу павялічылася ў 2,2 разы.

Назапашаным вынікам з 1994 года чысты адток капіталу з Расеі дасягнуў 829,6 млрд даляраў. Гэтая сума перавышае ВУП такіх краін, як, напрыклад, Швайцарыя (708 млрд даляраў), Савудаўская Арабія (681 млрд) або Турцыя (650 млрд).