Палітолаг: Ідзе працэс прызнання Лукашэнкі тэрарыстам

Ніякіх шанцаў дыктатар больш не мае.

Палітолаг Дзмітрый Балкунец у эфіры «Эха Москвы» даў каментар пра страту Менскам ЧС у хакеі і будучыні Лукашэнкі.

«Па-першае, шанцаў захаваць чэмпіянат свету не было. Магчыма, Лукашэнка мог бы здзейсніць добры ўчынак і адпусціць палітычных зняволеных, але ён на такія крокі не здатны.

Тое, што яго цяпер пазбавілі права на чэмпіянат свету, для яго вельмі жорсткі ўдар, і, думаю, што гэта не апошняе, чаго яго будуць пазбаўляць.

Па-другое, на Захадзе вядуць працы для прызнання Лукашэнкі тэрарыстам паводле справы Паўла Шарамета.

Яму закрытая дарога цалкам, ніякіх шанцаў дыялогу на Захадзе ён больш не мае, ніякіх спартовых турніраў з ім ніхто праводзіць больш не будзе», - заявіў палітолаг.