Дзярждэп ЗША адрэагаваў на перанос ЧС-2021 з Менска
3- 19.01.2021, 11:42
- 22,666
ФОТА: AFP
Морган Артагус выступіла з афіцыйнай заявай.
Дзярждэпартамэнт ЗША вітае пастанову Міжнароднай федэрацыі хакея ІІХФ пра перанос чэмпіянату свету са сталіцы Беларусі горада Менска, заявіла афіцыйная прадстаўніца ведамства Морган Артагус.
«Мы вітаем пастанову ІІХФ перанесці чэмпіянат свету ў хакеі 2021 года з Беларусі. Мы з нецярпеннем чакаем дзень, калі ўмовы для вяртання міжнароднага чэмпіянату будуць належнымі.
Мы заклікаем Лукашэнку пакласці канец кампаніі ціску на спартоўцаў і спыніць жорсткія рэпрэсіі», - напісала Артагус у «Твітэры».
We welcome the @IIHFHockey decision to move the 2021 Hockey World Championship from Belarus. We look forward to the day conditions are right for international competitions to return. We urge Lukashenka to end the pressure campaign against athletes and stop his brutal crackdown.
— Morgan Ortagus (@statedeptspox) January 18, 2021
Міжнародная федэрацыя хакея ў панядзелак увечары паведаміла, што Менск не прыме чэмпіянат свету ў 2021 годзе. ЧС павінен быў прайсці з 21 траўня да 6 чэрвеня ў Менску і Рызе.
