У Кітаі выявілі новы эпіцэнтр каранавіруса
7- 19.01.2021, 10:45
- 13,985
Улады ўводзяць дадатковыя абмежаванні.
Халодны паўночны ўсход Кітая стаў новым эпіцэнтрам заражэння каранавірусам у краіне. Улады ўводзяць дадатковыя абмежаванні.
Як паведамляе Associated Press, у аўторак улады Кітая паведамілі аб 118 новых выпадках заражэння.
Большасць з іх былі зафіксаваныя ў правінцыі Цзілінь, рэгіёне Хэбэй і правінцыі Хэйлунцзян.
Улады заклікалі грамадзян не падарожнічаць, загадалі зачыніць школы на тыдзень раней і правялі масавае тэставанне насельніцтва на каранавірус.
Яшчэ адна паўночная правінцыя Ляанін таксама ўвяла карантын і абмежаванні на паездкі, каб прадухіліць далейшы распаўсюд віруса.
Усяго ў Кітаі з пачатку пандэміі зафіксавана больш за 88 тысяч выпадкаў заражэння каранавірусам, памерлі 4635 чалавек, ачунялі больш за 82 тысяч.