«Мая далонь ператварылася ў кулак»

19 студзеня - Дзень салідарнасці працоўных свабоднай Беларусі.

Сёння Вярхоўны Суд разгледзіць касацыйную скаргу страйкаму ААТ «Беларуськалій» на пастанову аб прызнанні страйку на прадпрыемстве несапраўдным.

Шахцёры просяць усіх беларусаў праявіць салідарнасць у іх законнай барацьбе за права на страйк, паведамляе тэлеграм-канал «Страйкам Азота».

Вы можаце падтрымаць страйк двума спосабамі:

Зрабіце фота сціснутага кулака - сімвала страйку і салідарнасці - і выкладзеце ў сацсетку з тэгам #кулаксолидарности. У гэтым допісе мы сабралі фатаграфіі ад працоўных розных беларускіх прадпрыемстваў, якія ўжо далучыліся да флэшмобу. Падтрымайце шахцёраў і вы! Цяпер кожнаму беларусу важна ведаць, што барацьба з беззаконнем трывае.

Прыходзьце ў залу Вярхоўнага суда (Менск, вул. Арлоўская, 76) у аўторак, 19 студзеня, аб 11:00. Пасяджэнне суда адкрытае - прысутнічаць на ім можа кожны чалавек. Вазьміце з сабой пашпарт і маску (без іх вас не пусцяць у будынак).