У Нямеччыне выявілі новую мутацыю COVID-19
- 18.01.2021, 16:10
- 14,524
Навукоўцы пацвердзілі, што гэта найноўшы штам.
У Баварыі ў клініцы горада Гарміш-Партэнкірхен зафіксаваная ўспышка невядомай мутацыі каранавіруса. Новым штамам заразіліся 52 пацыенты і 21 супрацоўнік лякарні, піша Muenchner Merkur (пераклад - korrespondent.net).
Аналізы інфікаваных былі накіраваныя ў берлінскую клініку Charité, дзе спецыялісты вызначылі, што гэта зусім новы варыянт COVID-19.
Навукоўцы пакуль не могуць сказаць, якія асаблівасці гэтага штаму, і не ведаюць, ці будзе гэтая разнавіднасць інфекцыі больш заразнай.
Паводле інфармацыі спецыялістаў Charité, на сёння ў свеце зафіксаваныя больш за 12 тысяч мутацый каранавіруса.