Беларускія прадпрыемствы па вушы захраслі ў крэдытах і пазыках

У 2020 годзе адбыўся імклівы рост завінавачанасці кампаній-флагманаў.

Сайт banki24.by разбіраецца, у каго самая высокая завінавачанасць.

Інфармацыя пра стан разлікаў буйных і сярэдніх прадпрыемстваў паступае з лагам на 1,5 месяца. Сёння самыя свежыя звесткі - на 1 снежня.

Да гэтай даты завінавачанасць прадпрыемстваў-флагманаў за крэдыты і пазыкі дасягнула 95,8 млрд BYN. У параўнанні з пачаткам года яна вырасла на 22,4%.

У 2020 годзе адзначаўся самы імклівы рост завінавачанасці за крэдыты і пазыкі за пяцігоддзе. Параўнайце: за 2016-ы завінавачанасці павялічыліся на 4,5%, за 2017-ы - на 11,5%, за 2018-ы - на 12,5%, за 2019-ы - на 5,3%.

Імклівы рост завінавачанасці ў кампаній звязаны з двума рэчамі: высокай дзеллю валюты ў абавязаннях і дэвальвацыяй беларускага рубля. Дэвальвацыя аўтаматычна павялічвае рублёвы эквівалент завінавачанасці за кошт розніц курсаў.

Самую буйную завінавачанасць за крэдыты і пазыкі назапасілі прадпрыемствы Менска - 22,7 млрд BYN. Што да пачатку года яна павялічылася на 21,5%.

Найбольш хуткі ўздым абавязацельстваў паказалі кампаніі з Менскай вобласці - на 29,3% да 15,4 млрд BYN. У астатніх абласцях сітуацыя была наступнай: Берасцейская - 5 млрд BYN (+19,9%), Віцебская - 7,9 млрд BYN (+21,6%), Гомельская - 17,2 млрд BYN (+23,3%), Гарадзенская - 20,2 млрд BYN (+25,9%), Магілёўская - 7,4 млрд BYN (+ 5,3%).

Асноўны аб'ём завінавачанасці за крэдыты і пазыкі прыпадае на прамысловасць - 52,5 млрд BYN (+19,8%). Унутрая прамысловасць горназдабывальныя прадпрыемствы павінны 2,7 млрд BYN (+90,6%), энэргетыка - 4,1 млрд BYN (+30,3%) і апрацоўчая прамысловасць - 45,5 млрд BYN (+16,4%).

Сярод галін апрацоўчай прамысловасці лідарамі ў завінавачанасці з'яўляюцца дрэваапрацоўка і папернікі (9,3 млрд BYN), харчпрам (7,7 млрд BYN), машынабудаванне (5,6 млрд BYN), металургія і хімпрам (па 4,4 млрд BYN).

За межамі прамысловасці прыкметныя абавязанні мелі сельская гаспадарка (6,1 млрд BYN), будаўніцтва (14,6 млрд BYN), аптовы гандаль (3,1 млрд BYN), раздробны гандаль (3,7 млрд BYN), транспарт (3,7 млрд BYN).

Праблемныя завінавачанасці за крэдыты і пазыкі да 1 снежня склалі 2,557 млрд BYN. Асноўны аб'ём такіх завінавачанасцяў забяспечылі прадпрыемствы Гомельскай (752200000 BYN) і Менскай (630,8 млн BYN) абласцей. Самы імклівы рост абавязанняў паказалі кампаніі з Менска - на 56,6% да 211,7 млн BYN.

Сярод відаў дзейнасці больш за ўсё таксічных крэдытаў і пазык назапасіла прамысловасць (1,693 млрд BYN) і сельская гаспадарка (406,1 млрд BYN).